As linguas de signos, son linguas? é un MOOC (curso en liña aberto e gratuíto) que ofrecerá unha primeira aproximación ao mundo das linguas signadas e á lingua de signos española (LSE).

📅 Inicio: 5 de outubro de 2026
⏱️ Duración: 4 semanas
💻 Modalidade: en liña
💶 Prezo: gratuíto
🎓 Non se requiren coñecementos previos

Obxectivos do curso:

• Identificar falsas crenzas arredor das linguas de signos.
• Coñecer o estatuto lingüístico e legal da lingua de signos española.
• Valorar a lingua de signos como patrimonio lingüístico e cultural.
• Coñecer o papel da lingua de signos na educación e do bilingüismo na comunidade signante.

O curso contará con vídeos, foros, test e actividades prácticas e desenvolverase de maneira bilingüe en lingua de signos española e castelán. Ademais, está deseñado para ser accesible a persoas con e sen discapacidade.

A iniciativa está promovida polo Real Patronato sobre Discapacidade, a Fundación ONCE e o Centro de Normalización Lingüística da Lingua de Signos Española.

📝 Inscrición e información:
https://iedra.uned.es/courses/course-v1:UNED-ONCE+LSE_003+2026/about

A realización do curso é gratuíta. As persoas participantes poderán obter un certificado en función dos méritos acadados, xestionado e emitido pola UNED, cun custo de 20 euros.