A cooperativa Aventeira organiza "O Fiadeiro. Territorios que conectan" un encontro de iniciativas do Courel e da Ribeira Sacra, coa colaboración de EspazoCoop, o Xeoparque Montañas do Courel e o Consorcio de Turismo Ribeira Sacra.

Fecha: 21-22 de novembro

Modalidade: Presencial

Lugar: Xeocámping Montañas do Courel

O Fiadeiro é o primeiro encontro conxunto de iniciativas locais do Courel e da Ribeira Sacra. Busca tecer vínculos entre proxectos que xa colaboran e abrir a porta a novas alianzas para compartir recursos e sacar adiante iniciativas conxuntas. A economía social e as fórmulas cooperativas terán un papel central, como vía para xerar emprego e manter a actividade económica no rural.

O formato recolle o espírito dos fiadeiros tradicionais: poucas relatorías e moito tempo para as presentacións persoais e o traballo en grupos reducidos. Ao remate, a organización compartirá os resultados e as conclusións.

O programa está dirixido: a entidades, empresas, cooperativas e profesionais do Courel e da Ribeira Sacra, especialmente do ámbito do turismo, o patrimonio, a cultura e a economía social. A participación é gratuíta e inclúe o xantar.

Inscricións abertas ata o 16 de novembro.

Máis información: AVENTEIRA