Campos de voluntariado - Ofertas en Galicia | Dirección Xeral de Xuventude

A CORUÑA:

Código	Campo	Localidade	Provincia	Dende/Ata	Idade	Prazas	Ficha	Descrición
150001	Lembrado a nosa pegada	Outes	A Coruña	12/07/2025 23/07/2025	18-30	15		Campo social e patrimonial que traballará na mellora da sinaléctica e na posta en valor dun conxunto de Dolmens do Alto das Mámoas. No eixo social, farán unha mediación e acompañamento coas persoas maiores.
150002	Vilarbó	A Pontes	A Coruña	15/07/2024 26/07/2024	18-30	15		O obxectivo principal deste campo de voluntariado ambiental é a custodia do territorio mediante a conservación e a recuperación das fragas e o bosque de ribeira no entorno do río Eume e a divulgación das Fragas Atlánticas de Vilarbó, para que xeracións presentes e futuras poidan gozar da súa paisaxe e biodiversidade. Desenvolveranse labores de plantación e reforestación, limpeza das beiras do río Eume, construcción dun hotel para abellas, colocación de caixas niño e comedeiros, inventario de especies, etc.
150003	Luces de Boimorto	Boimorto	A Coruña	21/08/2025 01/09/2025	18-30	15		Neste campo colaborarase na organización e posta en marcha do “festival da Luz" que se vén desenvolvendo en Boimorto dende o ano 2012 con fins solidarios, tanto nos días previos como durante o propio festival, permitindo que o voluntariado poida desfrutar da experiencia única de vivir un festival de música desde dentro.
150004	Monte sacro	Vedra - Boqueixón	A Coruña	21/07/2025 01/08/2025	18-30	15		Neste campo de voluntariado desenvolverase unha intervención de recuperación medioambiental e etnográfica así como actividades de intervención sociocultural.
150005	Monte da Espenuca	Coirós	A Coruña	21/07/2025 01/08/2025	18-30	15		Un campo de voluntariado medioambiental co que se pretende recuperar un bosque autóctono e manter e mellorar os ecosistemas asociados, así como mellorar o entorno dun lugar de interese ambiental, cultural e patrimonial, traballando na eliminación especies exóticas invasoras. Desenvolveranse tarefas de limpeza de maleza, corta de especies alóctonas e protección das autóctonas, etc.
150006	Castro de Montes Claros	A Laracha	A Coruña	03/08/2025 14/08/2025	18-30	15		Campo de voluntariado medioambiental e arqueolóxico no que as persoas participantes farán labores de mantemento e conservación de bens arqueolóxicos, tarefas que se complementan con accións formativas e divulgativas sobre a conservación do patrimonio cultural. Farase identificación de estruturas do poboado fortificado; aprender a mirar e identificar as paisaxes prehistóricas; labores de impeza de maleza e broza e recollida de lixo nas áreas escavadas; acondicionamento dos accesos, etc.
150007	Amicos	A Pobra do Caramiñal	A Coruña	04/07/2025 15/07/2025	18-30	15		Campo de temática medioambiental e social para fomentar entre a mocidade os valores da solidariedade e o compromiso coa comunidade, especialmente, coas persoas que se atopan nunha situación de especial vulnerabilidade ou desprotección. Xerarase un grupo de traballo diverso no que a mocidade aprenda o valor da diversidade e comparta unha mesma misión: conservar o patrimonio natural e cultural galego dende unha perspectiva solidaria e inclusiva.

LUGO:

Código	Campo	Localidade	Provincia	Dende/Ata	Idade	Prazas	Ficha	Descrición
270001	Xuventude e Camiño, Palas	Palas de Rei	Lugo	12/08/2025 23/08/2025	18-30	15		Campo de temática cultural e dinamizadora onde as persoas voluntarias do Camiño, no seu percorrido diario en bici, darán información sobre o Camiño, etapas, etc, apoio e ánimo ademais doutras actuacións de dinamización. Acometeranse tamén accións de acondicionamento de sendeiros no contorno do Camiño e na área do albergue de peregrinos dos Chacotes, faranse actuacións dinamizadoras.
270002	Fervenza do Pozo do Batán	Quiroga	Lugo	23/07/2025 03/08/2025	18-30	15		O obxectivo deste campo de voluntariado é a recuperación dun ben patrimonial, como é a Pena Furada, un túnel escavado polos romanos para conducir auga a varias minas de ouro, moi presentes na zona. Desbroce e limpeza por medio de ferramentas adecuadas para crear unha ruta de acceso a Pena Furada, limpeza e sinalización do entorno, etc.
270003	Castro da Torre	O Courel	Lugo	15/07/2025 26/07/2025	18-30	15		Campo de voluntariado patrimonial no que se actuará nun espazo arqueolóxico para poñer en valor o Xeoparque Mundial da Unesco Montañas do Courel e para promover iniciativas futuras no seu entorno. A liña principal do campo de voluntariado é a posta en valor do Castro da Torre. Os traballos irán dirixidos á limpeza da vexetación invasora do castro, sen tocar estruturas de ningún tipo; desbroce e limpeza, creación de catálogos e medidas e propostas para o concello a través de tres ODS e aprendizaxe sobre a Axenda 2030, etc.
270004	Friulio	Friol	Lugo	28/08/2025 08/09/2025	18-30	15		Campo etnográfico e medioambiental para a mellora do castro de Friulio, colaborando na restauración e consolidación de diversas estructuras (tellados vexetais das pallozas, fornos, etc) e na sinalización dos accesos a través do paseo fluvial. Ademais participarase na organización e execución da IV Malla no Castro Friulio, no que se trata de recuperar a tradición da malla do trigo, que era moito máis que a criba dos cereais.
270005	Castro e romeria de San Lourenzo	A Pobra do Brollón	Lugo	01/08/2025 12/08/2025	18-30	15		Neste campo de voluntariado as persoas participantes involúcranse cunha pequena comunidade rural para axudar na posta en valor do seu castro, así como na organización da Romaría de San Lourenzo que se realiza no propio xacemento.
270006	Ancares	Navia de Suarna	Lugo	10/08/2025 21/08/2025	18-30	15		O campo ten por obxetivo o desenvolvemento de varias accións de voluntariado na aldea de Vilela: Coñecer as excavacións arqueolóxicas no Castro do Teso da Ermida.
270007	Castro de Viladonga	Castrro de Rei	Lugo	26/08/2025 06/09/2025	18-30	25		Este campo de voluntariado vai permitir a convivencia e o intercambio de experiencias entre participantes galegos e mozos e mozas da Galicia exterior, descendentes de emigrantes galegos, que participarán conxuntamente en actividades de voluntariado vinculadas co patrimonio cultural galego, ademais de gozar dun programa de actividades de tempo libre.

OURENSE:

Código	Campo	Localidade	Provincia	Dende/Ata	Idade	Prazas	Ficha	Descrición
320001	Parque natural do Xurés	Muiños	Ourense	26/08/2025 06/09/2025	18-30	15		Campo medioambiental no que tomando as árbores como lenzos e a paisaxe como elemento invitado, preténdese converter o parque Outeiro de Cela nun entorno referente e atractivo, cheo de cores e obras de arte para os visitantes que se acheguen. Se construirán hoteis para insectos con pallets vellos e materiais naturais, refuxios e comedeiros para aves, limpeza dunha ruta, etc.
320002	Esgos	Esgos	Ourense	23/08/2025 03/09/2025	18-30	15		É un campo de voluntariado etnográfico que ten como finalidade recuperar a memoria etnográfica e patrimonial dos lugares do Concello de Esgos, con recollida de fotografías sobre o pasado de Esgos; labores de catalogación de lavadoiros, fontes, petos de ánimas, cruceiros... creando un catálogo dixital, unha exposición virtual mediante a plataforma Mozilla Hubs e un mural etnográfico sobre a historia de Esgos.
320003	Viaxa pola Istoria	Ribadavia	Ourense	04/07/2025 15/07/2025	18-30	15		Neste campo cultural e festival centrado na “Festa da Istoria” colaborarase na organización e dinamización deste evento. Tratarase dunha posta en contacto das participantes coa historia medieval de Ribadavia
320004	Vida Salvaxe	Entrimo	Ourense	15/07/2025 26/07/2025	18-30	15		O obxectivo deste campo é por en valor o patrimonio natural, cultural e etnogránico de Entrimo
320005	Loñoá	O Pereiro de Aguiar	Ourense	04/07/2025 15/07/2025	18-30	15		Campo de temática cultural e festival na aldea de Loñoá, famosa pola súa olería. As labores centraranse na recuperación da festa etnográfica de Loñoá co fin de amosar os vellos oficios para poñelos en valor e impedir a súa perda. Tamén se tratará de amosar a forma tradicional de extracción do barro para a elaboración da olería.
320006	Larouco	Vilariño de Conso	Ourense	04/07/2025 15/07/2025	18-30	15		Este campo medioambiental e social vai encamiñado á conservación do medio e á difusión e posta en valor dos recursos etnográficos e patrimoniais. Ademais, as persoas participantes poderán coñecer as tradicións da man das veciñas que levan transmitíndoas de maneira oral durante xeracións.
320007	Tra-los pasos da Raiña Santa	Bande	Ourense	17/08/2025 28/08/2025	18-30	15		Campo etnográfico e cultural que ten como obxectivo principal que as persoas voluntarias, a través dun contacto directo coa poboación local, recuperen historias, tradicións, oficios, saberes, contos e lendas e o folclore propios da comarca da Baixa Limia.
320008	Do audiovisual galego	Celanova	Ourense	23/07/2025 03/08/2025	18-30	15		Campo de temática audiovisual e social para tódalas persoas que queiran vivir “un verán de cine,” formando parte dun equipo artístico e creativo que abordará aspectos da produción, rodaxe, postprodución, montaxe e proxección dunha película.

PONTEVEDRA:

Código	Campo	Localidade	Provincia	Dende/Ata	Idade	Prazas	Ficha	Descrición
360001	Tradición en verde	Lalin	Pontevedra	01/08/2025 12/08/2025	18-30	15		Campo de temática arqueolóxica, etnográfica e medioambiental que persegue como obxectivos, por un lado, a participación na campaña de excavación da Mámoa A Pena do Santo e acondicionamento do Castro de Doade ; e, por outra, a divulgación da cultura e o patrimonio galego a través de varias actuacións no Museo Etnográfico "Casa do Patrón" e a súa contorna, coa elaboración de material informativo, acondicionamento da área recreativa e sinalización da Ruta dos Muíños.
360002	Aldea Alfacuca	Mos	Pontevedra	10/08/2025 21/08/2025	18-30	15		Campo medioambiental para traballar na mellora e posta en valor da aldea Alfacuca , participar nunha campaña para a retirada de especies exóxenas invasoras, fomentando a plantación de árbores autóctonas así como crear unha aula de natureza da propia aldea.
360003	Sendeiros do Louro	O Porriño	Pontevedra	10/08/2025 21/08/2025	18-30	15		Campo medioambiental no que se traballará, entre outras, a problemática da expansión de especies exóticas invasoras e a suá extracción.
360004	Rural influencers	Cerdedo-Cotobade	Pontevedra	06/08/2025 17/08/2025	18-30	15		Este campo de voluntariado propón o reto de poñer en valor a riqueza cultural e patrimonial dos nosos maiores (Rural Influencers) reforzando as relacións e dinámicas que xorden coa mocidade participante. Realizaranse tarefas de dinamización cultural e artística desenvolvendo intervencións de animación (obradoiros, performances, ...) ademais dunha pintura mural de creación comunitaria.
360005	ReseTea Ponteareas	Ponteareas	Pontevedra	06/08/2025 17/08/2025	18-30	15		Realizarase unha intervención para a mellora ambiental, patrimonial e do uso público da contorna da praia fluvial de A Freixa.
360006	Costa azul	Poio	Pontevedra	23/07/2025 03/08/2025	18-30	15		Este campo medioambiental e mariño xirará en torno a limpeza do litoral mariño por terra e mar polo interior da ría de Pontevedra (Lourido, Combarro, illa de Tambo, Chancelas, ...)
360007	Salvemos o mar	Vilanova de Arousa	Pontevedra	04/07/2025 15/07/2025	18-30	15		Campo de temática medioambiental e mariño que se centrará na recuperación ambiental da costa dende a praia das Sinas ata o porto de Vilanova de Arousa, pasando pola praia do Bao, a praia da Braña, a illa da Insuíña, a área de bateas de Vilanova.
360008	A terra que habita no mar	O Grove	Pontevedra	15/09/2025 26/09/2025	18-30	15		Campo de temática medioambiental que tratará de poñer en valor o concello do Grove a través de traballos de limpeza e extracción de especies invasoras, da recuperación de estruturas de observación ornitolóxica, deseño e colocación de carteis interpretativos nas zonas de actuación, etc
360009	Na procura das fortalezas do Baixo Miño: As torres	Tomiño	Pontevedra	08/09/2025 16/09/2025	18-30	15		Neste campo, de temática patrimonial e arqueolóxica, realizaranse unha serie de traballos arqueolóxicos encamiñados á caracterización do sitio de As Torres, identificado no 2020.
360010	Arousa azul	Vilanova de Arousa	Pontevedra	26/08/2025 06/09/2025	18-30	15		Trátase do I Eco-Campo de Voluntariado medioambiental e mariño na ría de Arousa e Illa de Cortegada na que se realizará unha limpeza do litoral.
360011	Illas Cíes I	Vigo	Pontevedra	01/07/2025 12/07/2025	18-30	20		Este icónico campo de voluntariado medioambiental que se desenvolve no paraíso das Illas Cíes permitirá colaborar en labores de mantemento da illa, vixiancia de incendios, labores de información e sensibilización do visitante e intervencións puntuais de mellora no parque en colaboración cos traballadores do servizo de medio ambiente. Está previsto colaborar na limpeza da illa sur (única illa non comunicada por barco de viaxeiros), aínda que esta actividade depende do Parque Natural e non se poderá realizar en todas as quendas.
360012	Illas Cíes II	Vigo	Pontevedra	15/07/2025 26/07/2025	18-30	20 (*)
360013	Illas Cíes III	Vigo	Pontevedra	01/08/2025 12/08/2025	18-30	20
360014	Illas Cíes IV	Vigo	Pontevedra	17/08/2025 28/08/2025	18-30	20
360015	Illas Cíes V	Vigo	Pontevedra	01/09/2025 12/09/2025	18-30	20

(*) 2 prazas reservadas para persoas con discapacidade