O Concello de Lugo convoca o certame para elixir o cartel que anunciará a edición do XXV aniversario da festa Arde Lucus, cun premio de 1.900 euros para a obra gañadora.

Requisitos

• Poderá participar toda a poboación con obras orixinais e inéditas.

• Formato A3 sobre soporte ríxido, ademais de copia dixital (JPEG ou PNG).

• Temática: reconstrución histórica romana e castrexa, con predominio da cor vermella.

• Debe incluír obrigatoriamente os textos: "Arde Lucus MMXXVI", "Festa de Interese Turístico Internacional", "www.ardelucus.com", as datas de celebración e a lenda "ANNVS ARGENTEVS".

• Non se aceptarán deseños realizados totalmente con intelixencia artificial.

Prazos

• O prazo de presentación de solicitudes remata o 27 de marzo de 2026.

Solicitudes

• Os traballos presentaranse de xeito anónimo, identificados cun lema e acompañados dun sobre pechado cos datos persoais (Anexos I e II).

• Lugar: Rexistro Xeral do Concello de Lugo (Ronda da Muralla, 197) ou polos medios previstos na Lei 39/2015.

Máis información

• Web do Concello: http://concellodelugo.gal

• Web oficial da festa: www.ardelucus.com

• Consulta as bases completas: BOP Lugo (25/02/2026)