O Concello de Vila de Cruces convoca o Concurso de Escaparates de Nadal 2025, unha iniciativa dirixida a promocionar o comercio local e a dinamizar a vila durante a campaña navideña, recoñecendo o esforzo, a creatividade e a orixinalidade dos establecementos participantes.

Poderán participar todos os comerciantes con establecementos no municipio de Vila de Cruces, que poderán presentar a súa solicitude no Rexistro do Concello desde o día seguinte á publicación do extracto da convocatoria no Boletín Oficial da Provincia de Pontevedra ata o 5 de decembro de 2025.

O concurso outorgará os seguintes premios:

• 🥇 Primeiro premio: 175 €

• 🥈 Segundo premio: 125 €

• 🥉 Terceiro premio: 100 €

• 🎖️ Cuarto premio: 70 €

• 🌟 Premio á orixinalidade: 75 €

O xurado valorará aspectos como a presentación, creatividade, orixinalidade, uso dos artigos do establecemento e a iluminación, tendo en conta a capacidade para crear unha atmosfera atractiva e festiva. Ademais, os escaparates deberán permanecer iluminados polo menos ata as 22:00 horas durante toda a campaña do Nadal.

A concesión dos premios realizarase mediante concorrencia competitiva, e o pagamento das axudas efectuarase unha vez presentada a documentación requirida polos establecementos premiados.

As bases completas e os formularios de solicitude poden consultarse na páxina web do Concello de Vila de Cruces (www.viladecruces.gal) e na Base de Datos Nacional de Subvencións (BDNS 867724).

📅 Prazo de presentación: ata o 5 de decembro de 2025
📍 Lugar: Rexistro Xeral do Concello de Vila de Cruces
💬 Organiza: Concello de Vila de Cruces